انا ام ل3 اطفال صغار و استغنيت عن شغالتي وصرفتها فجاه كده كررررهتها ومابغى اطل فوجهها وغير كده اسباب تانيه الله يستر علينا وعليها وصرفتها عند امي بحجه انو امي عالكرسي ماتمشي واختي بتدخل الجامعه ومافي احد يساعدها ولما قلتلها اني بخليها تكمل مدتها عند امي طبعا فرررحت لانو امي الله يشفيها مررره طيبه ومافي بزوره طبعا وبالتالي مافي شغل كتير
المهم خلاص قررت قرار نهائي اني ما بغاها وزوجي مره استغررررب وقال حتتعبي وكل شويه بيعرف السبب<<امكن يحسبها مسويه شي في اطفالي شي زي كده ودحين لي تقريبا اسبوع من دونها وقررت اني اصحى الصبح مع زوجي واصحي بزورتي معاي ونفطر وا خليهم يلعبو وعالتلفزيون ونا اشتغل وخليت كل يوم انظف شي تنظيف عميق السبت غرفه لنوم الاحد غرفه
بزورتي الاثنين المطبخ وزي كده طبعا كل يوم بعد المغرب غسل الحمام (الله يكرمكم) وكنس ومسح سيراميك ومواعين بعض احيان بعد الغداء وازا مقدرت بعد المغرب غسيل الملابس يوم بعد يوم عشان البزوره ملابسهم كل شويه تتوسخ وفي العصر كوي
والله احس البيت انظف لانو بيدي انا وسرت اعرف ايش النواقص واحس البيت ريحته اتغيرت بعد ماراحت مدري ايش السبب احس حتى زوجي اتغير سار يقدرني مو زي اول امكن عشان عارف التعب وبالزات مع الاطفال الف الحمدلله والشكر
والله يابنات حاسه براااااحه نفسيه كبييييييييييييييييييييييييره الحمدلله والشكر لك يارب
مافي احد جاللس على قلبك ومراقبه طول الوقت اكل شرب نوم حمام صلاه مرااااااااااااااااقبه كاني في سجن والله مرررررره مرتاحه بدونها الله لايحوجني لهم في يوم من الايام من اللي عانيته
ابغى منكم الدعم وافكار لكسب الوقت وما خفي عنكم شي اني لازم قبل النوم لازم وصيه الرسول صلى الله عليه وسلم لفاطمه رضي الله عنها اسبح33 واحمد33 واكبر الله 34 والله يابنات اني اقوم فااايقه ومررره بدري حتى لونمت ساعتين اقوم نشيطه ولما احس نفسي كسلانه اردد اللهم اني اعوذ بك من العجز والكسل وطول انا ماشتغل بالذات غسل المواعين اشغل نفسي بالاستغفار ..
ادعولي اني استمر والله يكون فعوني وازا تبو تعرفوا اي استفسار انا جاهزه
سامحوني ازا طولت عليكم بس حبيت اكتبلكم تجربتي وشكرا..
الرئيسية
موضوع: قصة ام ~~~~~ 
الإثنين سبتمبر 20, 2010 10:40 pm
