قصيدة لكل زعلان أو زعلانة‎

نزعل ونتكبّــر وحنا من الطيـــن
والكل منا صــدّ لا أقبل خويّــه

نفخر نقول إنا على الصد قاوين
وهـيّ علينـــــا في الحقيقـة قـويه

نشفق على الطيبة و كسب الكريمين
وهــذي بنا لاشك فعــــلة رديـــــــــه

ننسى نهايتنا وعلى وين ماشيــــن
وننسى الزمان اللي جمعنا سـويه

المشكلة ماهي بـ حاجة لــ تخمين
ولاهي بعد ياناس صعبة القضيـه

دق الرقم : كيفك هلا فيك وأهليــن
أنــا الخــوي اللـي مـزعّــل خويــــه

قلّه تغيب وصـــورتك داخل العين
ويبقـى لـ حبك في خفوقي بقيـه

أحباب حنا لو يجي بيننا شيــن
و مانفتـرق دام المحبـة نديــه

خلك قــوي لاتحتـكرك ،، الشياطين
قبل الفوات وقبل وقت المنـــــــــه

كلّم خويــك بـــ اطيب الهرج واللين
وأعرف جميل الهرج يمسـح رديـه

هذي هي الدنيا من الحين لـ الحين
لابد بين الناس تحصــــل خطيــــه

ومن لايقدّر غلطــــة أحبابه الحيـــن
يقـــــرأ حـــروفي ويعتبرها هــديه

باكر تمر سنين وسنين وسنيـــــن
والـكل يرحـل في الدروب المديـه

صدقني تندم وأذكـــر حروفنا زين
تندم على خلك إذا غاب ضيّــــــه

دنيا غريبــــة وأكثر الناس ماشين
وكم صــاحبٍ والله دفنته بــ يديـــه

صح لسانك

ثانكس على المرور

يسلمو على الكلام يالبى قلبك قلت لكم شاعرنا الطويل هع هع تقبل مروري

انت ماسك على شاعرنا حسيت اني ابن فطيس
يعطيك العافيه على المرور

ثانكس على الموضوع الرائع تقبل مروري اخوك مراد ^_^

العفو يسلمو على المرور

» قصيدة صداقه
» قصيدة محشش لحبيبته ....
» قصيدة غزليه كاتبها عبدالله العنزي الى صديق قديم